Ua de las lhembráncias mais antigas que tengo, tenerie talbeç trés anhos, son uns uolhos de febre que de nuite nun me salien d'anriba. Albantei-me, nun sei se de berdade se an delírio cul febre, i fui-los a anterrar na cinza de l lhume, acobelhando-los culas tanazes. Nunca mais deixei de ls ber, mas quedei zdende a saber que hai ciertos nuossos uolhos que nun sírben para ber, mas para mos lhebar l'alma: inda hoije penso que éran ls uolhos de la muorte que me mirában daquel lhado de la bida i que aquel ato de ls anterrar na cinza nun passou de la scuolha que puso fin a ua guerra. La bida, cumo tanta cousa, tamien se scuolhe. Essa ye la mais radical lhibardade. Un deixar-se ir tamien ye ua scuolha, mas de la muorte.
Subscrever:
Enviar feedback (Atom)
Sem comentários:
Enviar um comentário