domingo, 2 de setembro de 2012

decidir


nun ye angústia decidir, mas carreiron adonde mal te cabe la grandura de l uoco que se te forma na cabeça i acabas arregunhado puls dies de manhana: l alíbio que t'agarra na fin, ye solo un modo de t'afazeres a un nuobo camino que te spera: bonda que de tous passos nun tengas pena i, lhibres, ls atires al palantre: nun squeças que bolber al para trás ou quedar specado a deixar andar, éran outros modos de decidir, mas esses a sorber te, cumo auga de l suco a sumir-se por buracos de rata.


1 comentário:

Adivín Serafín disse...

Gran decisión la que tomaste al escribilu.