ne l rastro de ls páixaros arribeinhos - 02

deixa me assossegar al menos
esta nuite que tengo de chegar
a manhana i a apuis

porquei s'haberan calhado las carreiras
que arrólhan la nuite i las rues?

agora bou a parar de buscar las sílabas
que hai palabras slúbias deloridas
i mais bal este silenço q'acender la lhuç

se sabe bien spertar
porque buscas l suonho to la nuite
i amporcas las manos de tanto lo amassar
que nien xabon te sobra yá
i ua anfenita gana de die
nun te deixa assossegar?