ne l rastro de ls páixaros arribeinhos - 07

staba frie la tarde i la páscoa
achegaba se sien gana la sierra
dun berde scuro colgado dua
primabera triste i nesto

un géstio mínimo fizo demudar
l mundo relhámpado aceso
a antrubiar ls uolhos chenos
de gana de nun ber l que nun quieres ber

apuis ampéçan te cinemas que nun
sálen de la cabeça ye nesses sfergantes
que l páixaro se dá de cuonta i se resuolbe
agora mesmo ampeço la biaige

mas nada desto quier dezir nada
stás pronto mas inda l mundo stá
a ajuntar l pie de mar i nun quier saber
se bás ou se quedas ou s'un relampo t'alumbrou

bonda que marques la tue hora i bibas
l restro yá nun amporta nien de ti depende