sábado, 7 de abril de 2012

ne l rastro de ls páixaros arribeinhos - 09


ye lharga la biage alhá las risas
quieres mesmo fazer esse camino?

nun pares de daprender cumo se pónen
lhágrimas a secar al sol i l stendideiro
séian ls uossos an que te duoles
de punto an branco

fazien ls griegos traijédias an trabiados
adonde ls diuses s'abaixában a sacar
bida desses delores fenhidos até al rial
mas que fazeremos agora sien trabiados
nien diuses de sangre pa las nuossas traijédias
cun delores fenhidos nas raizes de la rialidade?

an que forno botaremos las palabras
an que salgueiros colgaremos las cantigas
que camino acharemos para bolber a casa
se inda tenemos que la fazer i
nun sabemos yá cumo se diç?





Sem comentários: