staba un lhargo silenço deitado na prainada

staba un lhargo silenço deitado
na prainada, al sol, al aire, a la
rábia de l tiempo, triste, triste
cumo la muorte: 


porquei stás 
tan triste? 


mandórun me chamar
para meter na mie foia ua lhéngua 
que me dezírun habie para estes lhados,
mas stou farto de sperar;


i porquei speras 
se puodes ir ambora? 


tu bien falas, mas ls que
me chamórun cuntínan me a
pagar la jeira: antoce, cun-
tino a spera de l miu eiterno die.