a las bezes ye tan rial l mundo
tan berdadeiramente rial
que passo l tiempo a oupir
i a lhebar al cuolho
ls suonhos siempre a tropeçar:
quédan me chenos de brechas
a las bezes sángran
puorcos zafigurados
que até se ri quien por eilhes passa
se nunca ls deixo morrer
porque será?
porque son suonhos
porque son mius
i bendo bien
nun tengo mais nada
nun sou mais nada
2 comentários:
Porque será que ls mius suonhos
siempre tan zafigurados
se rien deilhes mismos?
Será que la dona ye nada?
Será que la muorte ye suonho?
Beisico
M
Nien la duonha ye nada
nien la muorte ye suonho
I quien sabe porque será?
Beisico
A.
Enviar um comentário