quinta-feira, 3 de maio de 2012

assi ye l jato de ls abiones


pésan te cumo a naide
l que le cháman tous
porblemas
i sigues pul que le chamas
tou camino;


al modo que le fuste
aguantando l peso i siempre
seguindo,
pones selombras i delores de
pedamiego;


nun ye ua sprança
l que te lhieba, puis tamien
hoije
tenes de seguir i chegar até
manhana;


la fuorça que te faç bibir
ampeça an ti i solo dende puode
bolar
por adonde haba campo i aire 
lhibre;


nun chégan las palabras 
para dezir l die, puis solo
feitos
te puoden calcer las risas i
seguir;


entra an ti pa que dalhá 
puodas salir, puis assi ye l 
jato
de ls abiones: sales de ti para
abançar;


siempre los has de tener
i cada beç mais ls tous
porblemas
i nien manginas até adonde sós capaç de ls
aguantar.







2 comentários:

Marcolino e Mara Cepeda disse...

Olá Amadeu!

bem hajas pelos teus textos que me prendem como fio invisível à inexorabilidade dos dias.

beisico
Mara

ACangueiro disse...

ye la risa i l fumo branco de l jato seinhas de bolos de sprança. Maspara aguanter podes an çcampados boziar inté ls pulmones çcarregar.