Pregúntan-me quien será
L ambersador Fonso Roixo.
You respondo: Sei alhá?
Mas cumo inda mais que un coixo
Bien s'agarra un mintiroso,
Lhougo debrebe acrecento,
Antre sério i melindroso:
Ye un almanecha q'andrento
An beç de tripas ten bersos.
I dá-me cabo de l caco
Anquanto ls bersos q'ancemba
Lhougo al papel nun le saco.
Nun sei por donde andará
Sou belhete d'antidade:
Mas qualquiera die yá l traio
I, se tubir, sue eidade.
Subscrever:
Enviar feedback (Atom)
Sem comentários:
Enviar um comentário