Campanas

Yá nun s'óuben las campanas
para arrolhar la cidade,
mas nien de nuite eilha drume.
Ye sonido doutra eidade

que nun s'oube, mas ye l mesmo
hai muitos ls seclos. Calhadas,
son las campanas que drúmen
puls bruídos arrolhadas.

Mas, hai dies, oubi na Bolsa,
ua campanina, cuitada,
que só por risa s'oubiu,
socou i fui ua risada...

Mais bal déixen las campanas
cun sou sonido guardado:
assi, s'oubir l quejirmos,
sonará siempre sagrado.

Fonso Roixo