caderno de apuntamientos // caderno de apontamentos

59.

- nesse tiempo todos drumiemos an mantas de lana que picaba muito i lembra se me bien de que quando tu naciste stube trés ou quatro dies na cama cun un saiote de forro [l forro era de burel] i trés ou quatro mantas piconas anriba, puis dezien que le pintaba a quien habie parido, era a fin de júlio i ampeços de agosto, i agarrei ua alfa que nun aguantaba;

- até mius pais drumien nas mantas sien lençoles, i morrírun  se sien saber l que esso era;

 - tu nun bés que catábamos las mantas piconas, chenas de pulgas... i assenta ende: quanto mais limpa andubisse la cama, mais piolhos tenie, te l digo you; habie siempre muito chizme nas camas, que se metien pulas frinchas, i tanto ls tenien ls ricos cumo ls probes: de ls smagar, la parede quedaba toda als santos;

 - lembra se me bien desso todo, puis you solo soube l que éran lençoles quando fui pa l seminário, an 1961, puis até ende nunca habie drumido nua cama de lençoles: las mantas quedában amarielhas de l uso, puis éran labadas ua beç por anho, na Páscoa, ou nien esso, i yá stábamos afeitos a que picássen, yá que nun coinciemos outras.

//

nesse tempo todos dormíamos em mantas de lã que picava muito e lembro-me bem de que  quando tu nasceste estive três ou quatro dias na cama com um saiote de burel e três ou quatro mantas piconas em cima, pois diziam que fazia bem a quem tinha dado à luz, era no fim de julho e início de agosto e apanhei um calor tão grande que não suportava;

- até os meus pais dormiam nas mantas sem lençóis e morreram sem saber o que isso era;

- tu não vês que catávamos asmantas piconas, cheias de pulgas... e toma bem nota: quanto mais limpa estivesse a cama, mais piolhos tinha, sou eu que o digo; havia sempre muitos percevejos nas camas, que se metiam nas frinchas, e tanto os tinham os ricos como os pobres: de os esmagar, a parede ficava cheia de manchas;

- lembro-me bem de tudo isso, pois eu só soube o que eram lençóis quando fui para o seminário, em 1961, pois até essa altura nunca tinha dormido numa cama de lençóis: as mantas ficavam amareladas do uso, pois eram lavadas uma vez por ano, na Páscoa, ou nem isso, e já estávamos habituados a que picassem, pois não conhecíamos outras.