sábado, 8 de junho de 2013

caderno de apuntamientos // caderno de apontamentos

 
57.
era you inda mui mocica, tenerie por ende 14 anhos, yá bés... que era dá? dá 1938! pus nesse anho andube you ua sumana anteira a segar a segar a la jeira para Teixeira, éramos ua quadrilha de Sendin; quando acabemos benimos a pie para Sendin i cheguemos serie mais ou menos la ua de la manhana; l Alfredo Júlio diç assi, bamos le a cantar ua moda a la mie moça (que era la Mialita) que mora eiqui (era na pracica de rue la Frauga; fumos i cantemos assi:
 
ó macieira do adro
ó do adro macieira
tu andas pra m'enganar
mas não achas quem te queira
 
tu não achas quem te queira
quero te eu ó coradinha
levanta te e dá me um beijo
deixa a lida da cozinha
 
deixa a lida da cozinha
deixa a lareira da casa ...
 
i yá nun se me lembra mais, tu que cuidas, cun 89 anhos yá nun mandamos na cabeça cumo nós queremos; essa era ua cantiga que andaba na moda por esse tiempo, cumoquiera la trouxo alguien que fui por abaixo ou que bieno de la tropa; i era assi, bien bés, quando ua pessona ye nuoba nun se cansa i ye solo desso que ten suidades, que l tiempo datrás era tan malo que you cada beç que me lembro até relouco.
 
//
 
era eu ainda muito mocinha, teria à volta de 14 nos, já vés cumo era la bida! em que ano foi? em 1938! pois nesse ano andei uma semana inteira a ceifar à jeira em Teixeira, éramos um grupo de Sendim; quando acabamos viemos a pe para casa e chegamos por volta da uma da manhã; o Alfredo Júlio diz assim, vamos cantar uma canção à minha namorada (que era a Miguelita) que mora aqui (era na pracinha de rua da Frágua); fomos e cantamos assim:
 
ó macieira do adro
ó do adro macieira
tu andas pra m'enganar
mas não achas quem te queira
  
tu não achas quem te queira
quero te eu ó coradinha
levanta te e dá me um beijo
deixa a lida da cozinha
  
deixa a lida da cozinha
deixa a lareira da casa ...
  
e já não me lembro de mais, tu que pensas, com 89 anos já não mandamos na cabeça como nós queremos; essa era uma cantiga que estava na moda por essa altura, porventura a trouxe alguém que andou por terras do sul ou que veio da tropa; e era assim, bem vês, quando uma pessoa é nova não se cansa e é só disso que tem saudades, que o tempo antigo era tão mau que eu de cada vez que me lembro até fico meio tonta.
 

Sem comentários: