terça-feira, 11 de junho de 2013

caderno de apuntamientos // caderno de apontamentos


60.
sabes, a las bezes inda se béien piolhos por muita cabeça, mas las pessonas nun gústan que le aménten nesso, nunca antendi bien porquei, mas nós adbertiemos mos muito cun eilhes, puis éran mui democráticos yá que tanto scolhien cabeças de ricos cumo de probes, cumo tal, íbamos a missa tapadas cun xal i riemos mos uas culas outras a falar de ls piolhos a fugir ne l xal de la que staba alantre de nós, i se calha las que stában atrás de nós fazien l mesmo, i assi mos antreteniemos a oubir la missa an latin, i ls homes ousában uas suíças mui grandes i ls piolhos salien le de las suíças i atrabesában le la tiesta cumo se fura ua tierra de arada, l pior era las partes, nien te cunto, ls homes ousában calças de pardo i las questuras stában siempre chenas de piolhos, fazien se grandes cumo nabos, yá bés, nun le faltaba de quemer i apuis coçában-se até botar sangue de la mordesquina; mie mai peinába mos cun ua peina pa l mandil i a las bezes habie ne l mandil mais dua dúzia de piolhos, mais grandes que you sei alhá; i ls cochinos, percipalmente ls mais pequeinhos?! tenien uns piolhos que éran granudos cumo pulgon: nós botábamos le alxofre i tirábamos los cun ua corcha birge, que ye la corcha sacada de sobreiro nuobo pula purmeira beç, apuis de queimada, i tamien ousábamos essa corcha cumo tal nua mula que se ferie, yá bés, essas cousas cumo nun hemos de falar neilhas se era assi mesmo, i nun adelantra gustar ou nó...

//

sabes, por vezes ainda se vêm piolhos em muitas cabeças, mas as pessoas não gostam que lhes falem nisso, nunca percebi bem porquê, mas nós divertíamo-nos muito com eles, pois eram muito democráticos já que tanto escolhiam cabeças de ricos como de pobres, por exemplo, íamos à missa cobertas com o xaile e ríamo-nos umas com as outras a falar dos piolhos a correr no xaile da que estava à nossa frente, e talvez as que estivessem atrás de nós fizessem o mesmo, e assimj nos entretínhamos a ouvir a missa em latim, e os homens usavam umas patilhas muito grandes e os piolhos saíam-lhes das suiças e atravessavam-lhes a testa como se fosse um campo de cultivo, o pior era entre as pernas, nem te conto, os homens usavam calças de pardo e as costuras estavam sempre cheias de piolhos, faziam-se grandes como nabos, bem vês, não lhe faltava de comer e depois coçavam-se até deitar sangue devido ao prurido; a minha mãe penteava-nos com um pente muito apertado para o avental e por vezes havia no avental mais de uma dúzia de piolhos que eram graúdos como pulgão: nós deitavamos-lhe enxofre e tirávamo-los com um bocado de cortiça virgem, que é  a cortiça tirada do sobreiro novo pela primeira vez,depois de queimada, e também usávamos essa cortiça por exemplo numa mula que se magoava, bem vês, essas coisas como não havemos de falar nelas se era assim mesmo, e não adianta gostar-se ou não...



Sem comentários: