quinta-feira, 8 de abril de 2010

diário 45



mira tu l que dá la falta de reloijo, que naquel tiempo pouca gente ls tenie: ua beç fui a drumir culas mulas pa l Pilo i tornei quando cuidei que yá iba a ser de die; l que me baliu ye que dei pul atraso de l tiempo antes de chegar a casa: tornei al para trás i inda drumi ua sonheira buona, cumo se houbira drumido dues nuites; agora, quando me lhembro desso, pregunto-me porquei nun ha de l tiempo cuntinar-me a chegar atrasado: pul si pul no, tengo andado sien reloijo cumigo.




3 comentários:

Adelaide Monteiro disse...

La nuite que te daba para drumir i para cuntar las streilhas. Agora nien ua bés nessa lhuminaira de bida an que bibes i nien l reloijo te deixa drumir, anque nun l lhiebes cuntigo a dar sues badalhadas.

Bs

A.

Amadeu disse...

Todo l que dizes ye bien berdade, Delaide, menos ua cousas. Ls diários que eiqui scribo nun son mius, mas de outras pessonas que me fúrun cuntando estas cousas i youeiqui las deixo. Para que nun squéçan.

bs.
A.

Adelaide Monteiro disse...

Mas podie ser tou, i porque nó!

Bs A.