dito (33)

bejitei trasdonte, die 23, la ampressionante vila romana "La Olmeda", an Pedrosa de la Vega, acerca la cidade de Saldaña (Paléncia, Spanha). Muitas de las cousas alhá achadas stan ne l museu de Saldaña, adonde quien mos recibe ye ua simpática rapaza que le cháman Raquel Ríos. Fui eilha que me dixo l seguinte dito, que se lo oubiu al agricultor que çcubriu la vila "La Olmeda", tiu Javier Cortes, home simples i mui sabido:

donde hai meolho
nun importa el perifólio

dito (32)

mie tia Adília, fizo ua fiesta de ls sous uitenta i uito anhos. Al sentar-se ne l restourante de l Houtel La Tenerie, na cena cun toda la sue família, dixo:

Quemunicamos
que ls que stamos
chegamos.

dito (31)

Hoije stubo un die d'auga. Apuis de la Speciosa, cun l salimiento de l lhibro de Adelaide Monteiro Antre Monas i Sbolácios, fui l salimiento de lhibro de Alcides Meirinhos L Camino de la Cándena, todo cumponendo un die memorable. Fui eiqui que oubi l dito que a seguir deixo, de la boca de l tiu Domingos Primo Torrão:

Pul San Burtelamei
Sembra nabiças de lei.

dito 8

An pouco ye donde se conhece un pequeinho.

dito 7

Amar sin ser amado ye cumo lhimpar l culo sin tener cagado.

dito 6

- Á tiu, l caçuolo cumponerá-se? - L caçuolo cumpon-se, mas lhieba tiempo.

dito 5

Adonde se tira i nun se pon, acaba-se l munton.

dito 4

adonde eirá l bui que nun ara? al matadeiro.

dito 3

a campo fraco, arador fuorte.

dito 2

apagou-se-te l sol? acende ua fogueira.

dito 1

an rui(n) anho buona cara.