sexta-feira, 15 de outubro de 2010

Preguntas (25)

tubo-me dius un tiempo, era you andeble i metie miedo l mundo;
mandórun-me bater a la puorta de l pensar, que el benirie, mas nunca bieno;
sigo l camino, respeitando l mundo i quanto hai ne l de criaturas;
lhabo-me cul'ourbalheira de ls dies, aprendo cun todo todo busco que quede melhor;
para çculpar ls mius erros ou nun aceitar las mies fraquezas, por nun aguantar ls outros ou la sobérbia de nun tener uocos, ou la necidade de me fazer scrabo para tener un senhor delantre de quien azinolhar, ou anton para tener un amigo abstrato quando tengo tanto de carne i uosso,
para quei antonce perciso de ambentar un dius?

1 comentário:

ACangueiro disse...

ls uocos son tantos que la lhuç atupina i l çanceno ye tan spesso...

ab

ac