segunda-feira, 19 de dezembro de 2011

un bun sítio para morar

fui le l tiempo nas manos zenhando
ls caminos de la prainada, perdidos,
adonde ls uolhos nunca achórun pouso,
este solo al modo para páixaros

i outros que fazírun de l bolo
un modo de çpreziar la tierra i
ls passos neilha: cunta me la tue stória
al modo para fazer mie casa,

que lhembráncias son un bun sítio
para morar, ceçon adonde s'agárren
raízes que aguánten l feturo cun sues
airaçadas a la nuitica de ls dies bielhos.

1 comentário:

Marcolino e Mara Cepeda disse...

O melhor sítio para morar é onde o nosso coração se sente em casa.
Nem sempre isso é possível e então, como dizes, as lembranças são um bom sítio, pois enraizam-nos e encaminam-nos rumo ao futuro.

Bom Natal, Amadeu
Um beisico
Mara