terça-feira, 28 de junho de 2011

madureç


yá la madureç se bai assomando a las moras, cumo bien se bei puls cagados de páixaro a sbranquenhar l berde de las fuolhas: quedórun squecidos ls brugos de la seda i yá mal se te lhembra de quando cantabas

fiç la cama na moreira
cun gana de madrugar,
bieno un airico abanou-me,

staba bien, deixei-me star.


talbeç todo seia por yá muitá te nun sentires bien i por esso nun te deixa la pergunta, deixo-me star?




1 comentário:

ACangueiro disse...

assi, a la purmanhana sbolaixan palabras chenas que mos amerosan l die i relampan para me sentir melhor.