sexta-feira, 29 de janeiro de 2010

diário 34

nunca se me squecerá de cumo era deboto a san Burtelameu, siempre a pedi-le milagres, mas cousa pouca, bendo bien, cousa de pouco trabalho; un die pediu-le al santo que l fazira feliç, mas quando se albantou para poner ua moneda na caixa de las smolas, achou-la cerrada i nunca mais se le abriu: esso nun ye cousa que se pida, nien a un santo milagreiro, dixo-le l santo an suonhos, que esse milagre que me pides, solo tu mesmo l puodes fazer, yá que nun ye milagre que se faga dua beç para siempre, mas hai que l star siempre a fazer, a cada cachico, i nun hai santo que rejista nien smola que pague tanta canseira.



1 comentário:

Flor disse...

Ola!
Gostei muito de encontrar este blogue en mirandes, nunca pensei que isto poderia acontecer.
Tenho pena que não me possa registar como seguidora.

Um abraço
Flor