l que ye la berdade? pregunta bielha i que inda naide respundiu.
Será por haber cousas mais amportantes que l coincimiento? yá que l mais de las pessonas nunca fizo essa pregunta i las outras pássan l mais de l tiempo a tratar doutras cousas.
porque demúdan las berdades a cada die, a nun ser porque depénden de cada die, de cada pessona ou tiempo?
será que puode haber berdade fuora de las pessonas ou contra eilhas? pregunta que faç sentido yá que solo las pessonas pónen pregúntas i solo eilhas puoden chegar a repuostas.
porque hai ua berdade hoije i outra manhana, ua eiqui i outra acolhá?
poderá haber outra referéncia de berdade para alhá de nós mesmos, assi cumo un colgadeiro adonde eilha puoda çcansar?
porque nun ha de ser la berdade l anquelíbrio de nós cun nós i cun todo que alredror de nós stá?
yá que berdades para alhá de todo esto ye siempre algo por que naide mos puode pedir repunsdablidade.
Subscrever:
Enviar feedback (Atom)
2 comentários:
Buonos dies
Ye bielho l dito: "síguen las leis por adonde quieren ls reis!" i cume reis abonan las berdades tamien nun scasseian.
Abraço
Ye berdade Alcides, mas cuido que l poder de l rei nunca dará para ir alhá de la «sue» berdade.
Enviar um comentário