domingo, 4 de julho de 2010

Natureza muorta

Paul Cézanne (Natureza muorta)
Miramos laranjas i maçanas pintadas anriba ua mesa i chamamos-le 'natureza muorta', sien atinar bien porquei, yá que podien ser sumbradas i deilhas algo nacer, mas la nuossa zgrácia na relaçon cula natureza ye pensarmos que solo nós somos bibos i todo l restro puode ser tratado cumo cousa muorta: eiqui stá cumo un porblema eiquelógico stá cundanado nas raízes mais fondas de la nuossa cultura: para quei respeitar ua natureza que stá muorta (anque nós até ls nuossos muortos respéitemos)? Haberie que splicar cumo todas essas obras de arte que mos amóstran 'naturezas muortas' mais nun son do que un modo de eiternizar la bida de cousas que stan bien bibas.

2 comentários:

Abelhón disse...

Podemos passar cientos de bezes pula mesma peinha que nunca la bemos de la mesma maneira i nun somos solo nós que demudamos l anglo de mirada: la peinha tamien ten siempre más un filico de mofo a scarbar pul lhado de l'absedo.

Abraço
A.

Amadeu disse...

Ye berdade, tamien las peinhas ténen bida i dan bida. Hai muita mais bida do que ls nuossos uolhos béien i nós cunseguimos manginar.

abraço,
A.