sábado, 26 de maio de 2012

arar l mundo



tengo cinco anhos
i chamo ua junta de
mulas, de barica na mano: 
bou a arar l mundo;


solo tengo risas
pa sumbrar
i dá se todo nun sfergante:
l mundo la rue;


ye todo grande al modo, 
puis de ls miedos sobra,
i son las palabras lhibres:
quedo loinje, mas nun sei;


inda nun me dei de cuonta
que hai lhibros cun zeinhos
para ler: solo sei
cuontas cuntadas;


ye terreira la casa
cun triato i preça de casa,
cun bardeiro a la squina:
ua rue cun paredes;


hoije quedórun me 
lhembráncias, mas nun hai
meia de dar cumigo:
zde quando nun eisisto?




1 comentário:

Marcolino e Mara Cepeda disse...

Tu existes, todos os dias, as todas as horas, em toda a parte.
A tua existência é incontestável no mundo global.
A tua existência menos visível, essa, só tu sabes.

beisico
Mara