terça-feira, 14 de dezembro de 2010

Manuol


Stá a spera de ls Seguros i de las Caixas. Yá dous anhos que la selicose l botou abaixo. Ls Tribunales de l Trabalho dórun-le rezon: i ls Seguros bírun-lo a raixiç. Bírun-lo muita beç i por todos ls lhados. Apuis, dórun-le remédios i que sperasse l andar de l porcesso.
Ende, Manuol ampeçou a tomar remédios puls braços i a passar fame pula boca.
Esto, hai dous anhos. Hoije, Manuol drume nuas palhas, cula sue jiqueta puorca. Faç l caldo nua panela, a ua squina.
L porcesso stá a andar...
Dixo-le l dr. Delgado que todo iba bien. I quanto trabalho ten dado! Quanto papel screbido! Quanta assinatura!...
Quei come?
El solo tenie l sou oufício.
Nun puode trabalhar.
Nu ten pan.
Stá a quedar delgadico, quaije solo le beio ls uolhos i la jiqueta puorca.
Manuol que spere... L porcesso del stá a andar.
La Cumpanhie de Seguros tamien spera... que el se muorra.

25 de Setembre de 1956


Telmo Ferraz,
O Lodo e as Estrelas

4 comentários:

ACangueiro disse...

Seguros, Caixas, Tribunales...tanto lodo... streilhas, lhuç, sperança..., son homes assi que bózian, protestan, scriben, fázen...fázen...deitan manos a la obra que mos fázen pensar...

Unknown disse...

Esto fui screbido an 1956, you coinci bien la realidade i fui de ls purmeiros a tener l libro. Mas nesse tiempo nun habie lhibardade, nien ls meios que hai hoije. Agora debemos ye preguntar porque hai todo esso agora, passados que fúrun 30 anhos de democracie. Quantos anhos a seguir al 25 de Abril fui l PS goberno?

Adelaide Monteiro disse...

Nun métamos un partido a la buolha. Todo l poder ten tebido culpa i, se pensarmos bien, nós tamien...
Todos nós mos acunchegamos no nuosso cantico caliente i dá-mos ua smolica para quedar da bien cun la nuossa cuncéncia.
Pura eipocresie!
Pura eipocrisie que an tiempo de l Natal inda ye mais grande!...

Esse home si, esse si fui home a sério, ne l meio de tanta adbersidade, nun tiempo de ditadura an que las paredes tenien oubidos i uolhos.
Lémbra-se mie mai desse cura i diç que era de ua bundade anfenita. Sigundo eilha,
dezie l´armana: " nós podíamos ter muito, mas o meu irmão é diferente dos outros padres, o pouco que recebe, dá-o".
Que grande liçon mos dá esse home an palabras i an atos.
Esse nuosso cunterránio merecie ua houmenaige.

Delaide

Adelaide Monteiro disse...

...damos an beç de dá-mos.