Castielho de Algoso [Alcides Meirinhos]
Castielho d'Algoso i Ribeira d'Angueira [Manuel Ferreira, 2007]
al loinge, ye un chupon
por adonde afuma l lhume de l tiempo,
galho oupido na cabeça dua faia
cul çupapo que un die le dou ua nubre
negra: cun eilha lhebou
giente spitaleira i spitales adonde sanar brechas
que nun déixan de parir ls dies;
acerca, quien stá ancerrado
andrento aquel lhibro screbido a modo de guerra,
bózio que yá nien lhágrima
bota i deixa l Angueira antregue a sue sede?
nun mete grima yá,
dunzel l fizo l tiempo cumo risa, nien sabemos
se de caçuada ou de respeito;
anriba i andrento abista-se
un ermo mundo, calhado, solo, abandonado
al matorral: apuntas ls uolhos alredror
i de naciente, de poniente, de norte i de sul
nien un eisército s'assoma yá
ou puntas de lhança relhúzen acontra l sol
que ateima an (re)benir a cada die;
bota tou die palantre
i nun te spante la fraqueza de las piedras cun
sou bózio de delores sgraniçados,
puis al fin solo an ti queda l que te fazires: nien
chupon, nien niu de guerra ou ermo,
cada géstio tou a demudar l mundo, anque nun
quergas i de ti nada quede a ber-se al loinge:
passas i adonde pisas ye outro
l mundo yá: ls castielhos, esses mais nun son que
reloijos a marcar la quelor de l tiempo;
se t'ancostares a las muralhas has de oubir l resfuolgo
çfamiado de ls que un die las piedras lhebórun
i assentórun ou se smagórun faia abaixo: sue lhéngua
ye la de siempre pa l delor houmano.
4 comentários:
"El delor houmano,
en las piedras" se entende e estende
que "la piedra" se cala,
culpável e culpada
do seu natural silêncio.
Uma "piedra ye nada"
se nada for a ausência de dor mas,
"se t'ancostares a las muralhas has de oubir l resfuolgo"
de todos os homens e mulheres
que não aspiraram futuro.
Mara
la foto de Alcides ye assi, a modos un lhagarto, meio monstro de quatro patas, a ir caras a castielho que mais parece querer angulhir la torre que: " al loinge, ye un chupon..." que nun me parece que afume, puis la auga da chuba ya le apagou l foguear de outros tiempos.
Sabes Mara, son siempre cuntraditórios ls mius sentimientos delantre de ls castielhos. Son menumientos, ye berdade, mas de quei? Cuido que de l que siempre pior na stória houmana, la guerra, esse mostro sien nome...
Assi i todo nunca deixórun de m'ampressionar i al bé-los sinto l sangre, l sfuorço, la rábia, l miedo, la fame i todo esso que andrento deilhes morou ou que a la buolta ls circou.
beisico
A.
Tenes rezon Antonho. Alcides ye mesmo un grande retratista.
Abraço
A.
Enviar um comentário