quarta-feira, 14 de setembro de 2011

nacionalismos


passemos seclos a custruir naciones,
regando cun sangre sous aliçaces
i an sue música oupindo choros i delores :
bendimos-mos essa eideia cumo
se tubira nacido na cabeça dun dius
ne l ato an que fizo l mundo;

agora bamos querendo çfazé-las,
ponendo puontes, derruindo paredes,
acenhando cun manos yá sien spada,
abrindo un rostro de risa i yá nó de delor:
tenemos priessa, mas talbeç seclos
tárdemos a çfazer l que seclos lhebou a oupir!

ténen oulor a crime ls nacionalismos ne ls dies d'hoije,
fuonte de rábias, guerras, çtruiçon, delor:
nien un géstio criador deilhi puode salir:
puode ua stória ser de lhegítima defénsia,
mas ende nun abrolha un sagrado prencípio:
a todo la bida an respeito ha de subertir.




2 comentários:

Marcolino e Mara Cepeda disse...

Olá Amadeu!

Como estás?
Espero que tudo tenha corrido bem.
Como foi o lançamento dos livros em Lisboa?

Beisico
Mara

Amadeu disse...

Olá Mara, Obrigado pelo teu cuidado.
Estou bem e correu tudo muito bem. POderás ver algumas notícias, por ex. em http://frolesmirandesas.blogspot.com

Às vezes preciso de fazer umas pausas i dar prioridades a outras vidas.

beisico
Amadeu