quinta-feira, 8 de setembro de 2011

nun te squeças de chubir


tanta beç te preguntas
- quien sou you?
que amo ten este cuorpo
que me lhieba nien sei adonde?
de que semiente nacida
perdida?

siempre a cada manhana:
- quei fago cumigo?
fondos poços,
negros de fondos,
de que ls fondos nun te bés:

saca-le un baldo a cada die
i nun te preguntes até quando durar puode
l'auga; abaixa,
mas nun te squeças de chubir
a adonde cuorre l aire;
bota fumo l murron de la candela:
a assopros inda lhuç;

quantos sinónimos de amor eisísten,
naide sabe,
son sien fin ls que tu puodes
criar: médran cumo yerba houmilde,
mas tan eissencial
que dá sues ranqueiras a quemer.


2 comentários:

Marcolino e Mara Cepeda disse...

Subir é uma luta que todos travamos diariamente.
Quando a subida não é eficaz suicidamo-nos como Mário de Sá Carneiro.
É difícil responder a "quien sou you?" mas, a maioria de nós, consegue manter-se, saudavelmente, à tona da água.

Bem hajas por mais este belo e inspirador poema.
Mara

Amadeu disse...

Tal i qual Mara.
Assi i todo, la bida ye guapa i bal la pena nunca zistir nin nunca mos squecermos de chubir, bien fondo seia l poço.

A.