quando l mar se stiraça pula ourielha
yá perdido de l mesmo
dízen bielhos marineiros
que nun torna a ser l mesmo
nunca mais: na paç de ls çtroços
deixados an pantasma pula arena
solo macabras risadas de sirenas
s'óuben inda, que sou canto
talbeç nun percísen yá de oupir:
i tu quedas a mirar l hourizonte
sien que ls uolhos puodan
alcançar l mastro dun nabiu benideiro;
mas de mirar nun deixas
que talbeç seias tu mesmo
por quien speras, al fin:
óndias ban i óndias bénen
nun puode l mar deixar de ser quien ye
i ha de un die traier te (outro) an outras óndias.
2 comentários:
não sei o que esperar
das ondas que vão e vêm
sei que o olhar que espraio
é verde-azul de mar
e o horizonte que anseio
nunca o conseguirei alcançar
beisico
hai dies para todo, Mara: uns buonos outros menos buonos, uns que ban i outros que bénen i por esso nun podemos zasperar, que la bida ten muitas formas i muitos modos.
beisico
A.
Enviar um comentário