que píden tous uolhos
perdidos
sentidos
calhados
que dízen tous uolhos?
que scríben tous uolhos
na fuolha
abierta
ne l talho de l die?
ansina me a ler
ls scritos que miras
mirares que scribes
nun cerres tous uolhos
assi yá
nun leio
assi yá
nun beio
i perdo l camino
se cerras tous uolhos
sou you quien
nun bei
sou you que
me perdo
sou you que
me cego
se cerras tous uolhos
tous uolhos perdiste
nun sabes adonde
perdiste te neilhes
deilhes me perdi:
que adelantra
candeia
buscá los
chamá los
chorá los
s'apagórun
l camino
al para trás?
abre solo
ls uolhos
nun te cegues
contra la parede
de l tiempo:
nun hai camino
al para trás
3 comentários:
Mui guapo, Amadeu.
Nun cerres tous uolhos
sien eilhes l camino
queda muito mais scuro.
Bs,
A.
Ei Delaide,
cerra solo
tous uolhos
para ber
l que abiertos
nun podíren
beisico
A.
não há volta
faças tu o que fizeres
quando fizeres
está feito
se amaste,
viram os teus olhos
e outros olhos
se choraste
apenas tu viste
as tuas lágrimas
e mesmo perdidos
sofridos calados
são os meus olhares
que eu tenho trocado
beisico
M
Enviar um comentário