segunda-feira, 5 de janeiro de 2009

cumo demudórun essa tie



a cada die, tengo ancuontro marcado cula muorte: la telbison a quelores ten muita caída pa l burmeilho i faç-me suidades de quando era a negro i branco; ls nomes de tierras squesitas que la giente nun daprende, solo de seguir la muorte an sous caminos, biandante ancansable, tan na moda que aparece siempre antes de la moda i de la bola; yá nun anda bestida de scaleto, ls uolhos fondos, ou trai gadanha al ombro: cumo demudórun essa tie, que nun mos zampara ls uolhos un sfergante nien pára de boziar dreitos i martírios; you, que sou formado an dreito, puodo afiançar-bos que la bida ye l purmeiro dreito de cada pessona, i to las Declaraciones i to las Custituiçones ténen esse artigo, mas abiso-bos: tenei cuidado al abrir la puorta, que bos puode matar l bafo dessa risada que nun pára de le dar la buolta al mundo, muntada nun puial de cidadanie, ambrulhada an çcursos de reitólica tan purfeita que nin a pocho cheira ou a sangre; assi i todo, ye este l mundo adonde bibo i (nun) drumo.


2 comentários:

Aqueduto Livre disse...

Caro Amadeu,

Como não sei escrever na sua, nossa, bonita lingua "leonesa" do planalto mirandês (e não só...)digo-lhe, em português (em português nos entendemos e se lhe botarmos ethos, pathos e logos, melhor ainda...)dizer-lhe umas quantas, poucas, coisas:
1/Gostei muito de conviver consigo;
2/Emocionei-me com a "tertulia", que nos proporcionou, a mim e aos seus amigos António Ramos Preto, Rogério Rodrigues e, depois, com o Mário Correia;
3/Agradecer-lhe o ter-me recebido na sua bonita casa e a partilha, que connosco teve dos seus labores de Miranda, linguísticos, históricos, de ego-história e etc;
4/Agradecer-lhe a descoberta do seu irmão Carlos Ferreira,ilustríssimo sendinense e geógrafo de mão cheia;

Finalmente, agradecer-lhe o seu LABOR imenso pelas terras de Miranda, locomotora duma realidade MAIOR, que deverá ser Trás-os-Montes!

Estou já fiel "leitor", modesto e ainda incompetente, mas esforçado, deste SEU interessante blog.

Abraço, daquele que terá o máximo gosto em ser seu amigo e, desde já, um seu admirador.

Abraço do
José Albergaria

Amadeu disse...

Caro José Albergaria,

Bien háiades pulas buossas palabras: tamien fui miu l gusto de l ancuontro que tubimos, cun Rogério i Antonho i Carlos i Mário. Tornai siempre, que cuntinará a ser un gusto recebir-bos.

Quanto a essas cousas de la lhéngua i de la cultura, son bícios que yá me tomórun l cuorpo i que ls doutores yá me zanganhórun hai muito tiempo: ye cierto que nun ténen cura. Mas inda que houbira malzina, you nun la tomarie.

Bien háiades por me quererdes ler, mas quedai sabendo que esta ye ua scrita assi cumo quien bai de camino, ua scrita caminando, i screbir a caminar siempre la mano puode tembrar algo.

Amisade aceite, que esso si bal la pena.
Abraço,
Amadeu