sonha siempre mas nun te scondas
ne l suonho nun te quedes nel
que nessa tierra nun fázen niu
ls páixaros i nun cuorren ls cardos
ls caminos adonde has de ferir tous pies
la tierra de ls suonhos ye para cunquistar
an guerras de delor i sangre
nó para bibir cumo quien se muorre
ou quien deixa acender l miedo ne l sangre
i guarda l bibir para dies tardiegos
mira bien de frente nien que ls uolhos céguen
que ye agre l sudor l delor l tiempo
i l suonho nada mais que carro seia
talbeç albo adonde apuntas tues frechas,
mas bulhiçca te até te respunderes: stou bibo, que milagre!
2 comentários:
Un milagre por die a cada nacer de l sol an que de la adilada botará pan, nien que seia centeno, mas que ha de jogar corridas de lhobos dundiando nos aires de primabera. Solo de los suonhos puoden salir milagres.
Abraço
Si, nien que seia centeno.
Sabies que de you nino al dezir 'pan' se querie dezir centeno i que l trigo tenie que se dezir mesmo pul nome?
Sálen milagres de l suonho de bibir, mas l mais de las bezes nien damos por eilhes.
Abraço
Enviar um comentário