domingo, 25 de março de 2012

un die


un die, apuis la termienta,
deste cuntigo an sítio ermo,
lhebado na mundiada cumo broça,
cansado, zupiado, fruita que cai
pocha de l'arble sien campo
para mais amadurar, ancapaç
d'aguantar un filo de nabalha,
sorbido l çumo até la carunha.

refazes l mapa de ls dies antigos
i nun dás culas gatunhas que
sgadunhado te deixórun de punto
an branco, solo necras ne l bolso
te quedórun nada al modo
para nuobo mosaico quelorido:
i ampeças a atrabessar la nuite
talbeç de l outro lhado inda te speres.




1 comentário:

Marcolino e Mara Cepeda disse...

As tormentas passam e tu nunca te perdes.
Encontras-te e fazes com que todos nos encontremos nas tuas palavras.

Beisico
Mara