Retrato de Manuel Ferreira
7-04-2012
arde sou roixo andeble a cada anho,
tráien sou cielo a tanta dureç,
bótan sue calentura a l'auga frie
i lhúzen ne l belador de las arribas:
ye assi pequeinho todo l que fazemos,
mas sue eisséncia de lhuç nien siempre béien
uolhos perdidos de l cuorpo que ls manten
stá triste l Douro, bacenta sue auga,
i naide me sabe dezir porquei
se la strada que abaixa a la barraije
ten alcatron nuobo i riscos brancos
a marcar bien la squierda i la dreita
ne l suolo: será de l silenço que dízen
que siempre ben antes las termientas?
quedei me nesta biaije al Douro solo
por cousas pequeinhas, que apuis
tantos anhos nun hai meia de dar
culas grandes - por adonde andaran? -
seia cumo fur, agora yá nun bénen
a tiempo i yá tanto me afiç a menudéncias
que solo deilhas saco bida.
hai pul aire un resfuolgo de lhembráncias
cansadas, que se déitan a fazer
ronron a spera de fiestas cumo un gato,
mas ye cuntapie l que mais le toca:
noutros tiempos dezerie you que son
oufénsias corporales grabes, cun
possible muorte a agrabar l resultado:
haberá pena que chegue
para tan grande crime?
3 comentários:
que crime ye este
que tristemente cantas
uolhos pousados an Douro tan triste?
seran palabras
aqueilhas que cantas
ó lágrimas que scondes
adrede?
las pequeinhas cousas
puoden ser tan grandes...
beisico
Mara
Mira bien Mara, l que digo:
«hai pul aire un resfuolgo de lhembráncias
cansadas, que se déitan a fazer
ronron a spera de fiestas cumo un gato,
mas ye cuntapie l que mais le toca»
Traduzo:
«sente-se no ar um respirar de memórias cansadas, que se deitam a fazer rom-rom à espera de carícias como um gato, mas são pontapés o que mais recebe.»
As «memórias» têm a ver com muita coisa, mas também com a língua, a cultura, o património em geral. E ainda recentemente pudeste ler no facebook, despoletado pela carta do Alcides Meirinhos ao Presidente da Câmara, como estão (continuam) a ser tratadas.
Ende stá l crime.
Si, las pequeinhas cousas puoden ser mui grandes.
beisico
A.
Obrigada Amadeu pela explicação.
A minha ignorância é imensa.
Sim, recordo-me da carta do Alcides Meirinhos.
beisico
Enviar um comentário