fórman se mos nuolos que palabras nun son capazes de zatar,
uas bezes música rebuolta que nien oubes
outras pregunta crabiada an modo spino
siempre ua fogueira adonde an claro ardes
sien que nunca te benga un die de cinzas
prende ls uolhos i senta te sereno alheno
cierto de que nanhue bista te puode de ti salbar
yá que nun sós para ansénsio a diuses que nunca fúrun ser
aferrolha las palabras antes de l manadeiro
que apuis de nacidas yá las lhiebas a las cuostas
nun deixes que t'anganhe l relhuzir de ls soles
nun bés que nien l mais fuorte de todos nun aguanta
sien ua nuite por die pa se scunder para scurcer
antoce por que habies de siempre tu brilhar?
la lhuç que botas ha de alhumbrar purmeiro tou camino.
2 comentários:
Que nós são estes que nem as mais puras e perfeitas palavras conseguem desatar?
O poeta brilha mesmo que sinta que a escuridão o cerca.
A sua penumbra são sóis que iluminam e aquecem os que não sabem pirilampar...
Nien you sei Mara.
Assi i todo nun cuido que séian malos ls nuolos que nun somos capazes de zatar: al menos dan para prender melhor. Prender adonde? Talbeç a nós mesmos, cumo cuido que diç la redadeira stáncia.
beisico
A.
Enviar um comentário