Ten dous puiales a la puorta i l bezino scuolhe siempre l daquel lhado. Dan-le ua harmonie de piedra al abaixar de la tarde. Neilhes s'antranha l passar de l tiempo, i çcansar nun passa de çculpa para poder mirar la rue, poder mirar quien passa. Calha bien la parede, mesmo atrás, que un puode ancostar las eideias i amparar l peso de madrugadas que las stréilhas yá purpáran.
Antre ls dous puiales queda l mundo, que bai dun al outro an brincos de palabras a que s'agarra l'ourbalheira i ls delores que abáixan pulas scaleiras de ls anhos que se fúrun ancalhando. Nun fúran eilhes, estes delores, i ls puiales serien l sítio de l puro ócio camposino, manatiales de pura filosofie: nó la peripatética, de quien anda pula praça; mas la parada, de quien passou l tiempo a andar sien paraige; eilhi filósofos andadeiros, cabeças chenas de preguntas i repuostas; eiqui filósofos sentados, barrigas chenas de preguntas sien repuosta. Dende que nun s'ajéiten a tratados, ls puiales, i nien sequiera cában an poemas: stan eilhi para quien se quejir sentar, sien preguntar quien ye.
Cada un buolbe-se an sous puiales: mira-los siempre al salir la puorta i ye siempre del la beç. Cada un acaba-se quando ls puiales le róuban l mundo, que yá nun dá brincos antre eilhes, nien bólan palabras an que se colgue.
Ten dous puiales a la puorta, i yá nun aguanta l bezino ne l puial daquel lhado: bendo bien, un puial dou-le cabo de l mundo i tornou-le la bida un einfierno, talbeç para siempre. Ye l que dá meter-se un an filosofie sentada, an que ls mundos s'agarrórun al sentalho.
Fracisco Niebro
Antre ls dous puiales queda l mundo, que bai dun al outro an brincos de palabras a que s'agarra l'ourbalheira i ls delores que abáixan pulas scaleiras de ls anhos que se fúrun ancalhando. Nun fúran eilhes, estes delores, i ls puiales serien l sítio de l puro ócio camposino, manatiales de pura filosofie: nó la peripatética, de quien anda pula praça; mas la parada, de quien passou l tiempo a andar sien paraige; eilhi filósofos andadeiros, cabeças chenas de preguntas i repuostas; eiqui filósofos sentados, barrigas chenas de preguntas sien repuosta. Dende que nun s'ajéiten a tratados, ls puiales, i nien sequiera cában an poemas: stan eilhi para quien se quejir sentar, sien preguntar quien ye.
Cada un buolbe-se an sous puiales: mira-los siempre al salir la puorta i ye siempre del la beç. Cada un acaba-se quando ls puiales le róuban l mundo, que yá nun dá brincos antre eilhes, nien bólan palabras an que se colgue.
Ten dous puiales a la puorta, i yá nun aguanta l bezino ne l puial daquel lhado: bendo bien, un puial dou-le cabo de l mundo i tornou-le la bida un einfierno, talbeç para siempre. Ye l que dá meter-se un an filosofie sentada, an que ls mundos s'agarrórun al sentalho.
Fracisco Niebro
Sem comentários:
Enviar um comentário