Assomadeiro 30

Nunca antressa adonde, mas l modo cumo se chegou: bonda ua pinga de sangre pul camino, un zupiar quien bai al lhado, un aporbeitar l aire que outros fázen na passaige, i yá nada será guapo cumo parecie. Por esso, nunca t'assomes a la punta, mas al camino; nunca beias las lhágrimas de ls foguetes, mas l sítio adonde crécen las canhas. Tamien ls hai que nun percísan de andar camino, que l brício le pónen lhougo a la punta: la fuorça que neilhes nace, bota raiç ne l çprézio por caminos i canseiras.