l ampossible oufício de ser dius

Antre Salazar se caier de la cadeira i l die an que le fazírun aquel antierro cheno de giente sincera [uns cun pena, outros cuntentos] passou un tiempo an que el nun sabie de que mundo era. Ne l sítio adonde you staba, habie dous padres que to las tardes rezában l rosairo para que dius le dira salude a Salazar. You i outros colegas, al alrobés, rezábamos para que el se morrisse. Nessa altura yá you ampeçaba a dubidar que fusse possible alguien ser dius.