Ls lhobos i las canhonas andában nua guerra, que benie de to la bida. Anque mais fracas, las canhonas siempre bencien cun ajudas de ls perros. Antoce, ls lhobos pedírun paç i, para seinha i garantie, deixórun ls sous felhicos culas canhonas i estas antregórun-le ls perros als lhobos. Ende passou-se que ls lhobicos stában siempre a ouliar i nun habie modo de se calháren. Acudírun, anton, ls lhobos dezindo que la paç habie sido cobrada, i ampéçan la guerra outra beç. Ende las canhonas nun fúrun capazes de rejistir yá que la fuorça percipal deilhas, ls perros, se la habien antregado als lhobos, acabando por ser todas muortas i comidas.
Porqui se bei que nunca debes de antregar als tous einemigos aqueilhes que te ajúdan i te çfénden.
(Fábula de Eisopo)
Porqui se bei que nunca debes de antregar als tous einemigos aqueilhes que te ajúdan i te çfénden.
(Fábula de Eisopo)
Sem comentários:
Enviar um comentário