Salmos 015

Salmo de Dabide

Quien morará, Senhor, an tue tienda?
Quien bibirá ne l tou cabeço santo?
L que anda cun sinceridade, obra la justícia,
i fala berdade cul sou coraçon.
L que, cun sue lhéngua, nun fala mal de ls outros,
nun faç mal al sou cumpanheiro
nien aceita fazer perjuízo a naide.
L que çprézia l que ye çpreziible,
mas honra ls que témen al Senhor
l que nun falta a la sue palabra mesmo cun danho própio.
L que nun dá l denheiro cun ousura
nien se deixa cumprar contra l einocente.
Quien faç esto nunca cairá para siempre.