sexta-feira, 3 de outubro de 2008

=



Somos todos eiguales al morrer, mas tenemos ua bida anteira para sermos çfrentes. Se mos cuntentamos solo an ser selombra de alguien ou númaro social, esso quier dezir que temprana la muorte mos tomou, inda que ende puoda haber ua stranha felcidade. L miu zafio sou you mesmo, you solo, que ls outros siempre ye possible anganhá-los, inda que nun quergas: ls tous, para ti mesmo, son siempre anganhos passageiros. Zirrar i ser/pensar/fazer defrente dá muito trabalho: armandade hai nun campo de trigo que ls aires lhieban an sues óndias i l mais que spera ye la fouce.



2 comentários:

faustino.antao disse...

Cumo ye berdade essa armandada na hora de morrer
Cumo son berdadeiras las redadeiras palabras, un quedaba-se tiempos anfenitos a mirar las cachoneiras dun pan i éran todas eiguales. Mas las spigas yá nun éran, las mais dreitas aqueilhas que salien poriba de las outras nun éran armanas.

Amadeu disse...

Ténes rezon quanto a las spigas que sálen porriba las outras, mas solo nua parte: tenien la canha mais alta, que ne l restro nun bariában. Mas tamien benie un aire mais fuorte i cobraba-las.
Abraço,
A: