Armana ouportunidade
diç la lei que todos téngan,
mas nun hai para essa lei
políticas que cumbéngan.
Galana Custituiçon
que porclama ls nuossos dreitos:
mas muitas de sues palabras
nunca chégan a ser feitos.
La stória abança cun leis,
eideia onde l bien s'arrame:
mas, por bien que fale an pan,
quien nun l ten muorre a la fame.
Fonso Roixo
Subscrever:
Enviar feedback (Atom)
1 comentário:
Mas nun hai rezones para nun acraditar que ls purblemas tamien se puoden resulber, nun acha… ?
Mesmo na nuite mais triste
an tiempo de serbidon
hai siempre alguien que resiste
hai siempre alguien que diç «non ».
Manuel Alegre, Trobas de l biento que passa (an mirandés)
N.B. « Non » nun ye ua palabra mirandesa ; ye francesa cumo toda la giente sabe. Permita-me, Amadeu, que antroduza nesta pequeinha traduçon ua modesta nota pessonal ; assi até rima melhor.
Enviar um comentário