Todo mundo se fui yá na pracica, toca-mos
a nós la beç agora; quando oubimos pousas,
campanas-quelobrinas, preguntamos quien
será que se fui?, cumo datrás quando alguien
a salto pa la Fráncia s’iba; de salidas
(ç)feita esta tierra siempre fui; tenemos que
deixar campo a quien benga, mas nun çcánsan ls uolhos
na carreira agarrados de ls puiales sien
cumo quien a cagar ben até cá: i grácias,
que até las rues ressónan i s’adóndian ls uolhos,
gana de amerosar pisagadas. Por donde
benírun, outra beç se ban: siempre l siléncio,
i assi mos zafazemos de l mundo. Cidade
gusta d’aldés cun arbles, froles, rius i monte,
bichos, mas giente só que bonde, i pouca seia.
Sem comentários:
Enviar um comentário